Dhëndri nga Gjermania kërcënon me jetë motrat e gruas në Kosovë, posa vjen në pushim arrestohet

Një mërgimtar ka përfunduar në prangat e Policisë me të arritur në vendlindjen e tij.

Burimet e Sinjalit bëjnë të ditur se ai u arrestua pasi dyshohet se ka kërcënuar me jetë dy motrat e bashkëshortes së tij të cilat jetojnë në Kosovë.

Sipas 53-vjeçares që denoncoi rastin në Polici, dhëndri i saj 50-vjeçar që jeton në Gjermani, vazhdimisht e kërcënon përmes mesazheve dhe video incizimeve. Njëjtë ka pohuar edhe motra tjetër më e re.

Kjo ka bërë që i dyshuari posa të arrijë në vendlindjen e tij në Komoran, të arrestohet dhe të shoqërohet në Polici për intervistim.

Me urdhër të prokurorit, ndaj tij është iniciuar rasti ‘Kanosje’ dhe është dërguar në mbajtje për 48 orë.