Detaje të reja nga vrasja në Gjilan, viktima u la në rrugë pasi që u ther me thikë

Një person nga fshati Doberqan i Gjilanit ka mbetur i vdekur pas plagëve të marra nga një mjet i mprehtë.

Rastin e ka konfirmuar për Gazetën Enigma zëdhënsi për rajonin e Gjilanit, Valon Osmani.

“Me datën 16.12.2023 rreth orës 21:00 kemi pranua informacion se një person mashkull kosova nga fshati Dobërqan është dërguar në energjencën e Spitalit Rajonal të Gjilanit në gjendje të rëndë shëndetësore si pasojë e plagëve të marra nga një mjet i mprehtë”.

“Viktima nuk ka arritur që të u përballoj plagëve të shkaktuara dhe i njëjti ka ndërruar jetë, vdekjen e të cilit e ka konstatuar mjeku kujdestar. Në lidhje me këtë rast zyrtarët policor kanë arrestuar një të dyshuar. Njësitet policore relevante së bashku me Prokurorin e Shtetit kanë dalë në vendin e ngjarjes ku aktualisht janë duke punuar për ndriçimin dhe sqarimin e të gjitha rrethanave që kanë të bëjnë me këtë rast”.

Gazeta Enigma gjithashtu mëson se pas therjes me thikë, i dyshuari e ka lënë në rrugë viktimën më saktësisht tek rruga e fshatit Përlepnicë.