Deklarata e Armend Rexhepagiqit bënë bujë, Zana Avdiu: Nuk është e domosdoshme të bëjmë fëmijë gjithsecili

’Nuk kam dashur kurrë të kem fëmijë, nuk e kam pas kurrë atë instikt të babait’’, kjo është deklarata e Armend Rexhepagiqit dhënë para dy ditësh në emisionin ‘’Canape’’ në T7, që ka zgjuar debat të madh në shoqërinë shqiptare.

Prej dy ditësh rrjeti ka vluar i ndarë në dysh mes atyre që e përkrahën artistin, në mesin e tyre shumë fytyra publike, por edhe një pjesë që ishin kundër.

Për të diskutuar rreth kësaj teme sot në programin e mëngjesit #Gjesi në T7 ishin sociologët Flakë Ymeri dhe Albert Mecini si dhe Zana Avdiu.

Aktivistja e njohur dhe autorja e emisionit ‘’Zanat’’ dha opinionin e saj duke thënë se nuk është e domosdoshme që të bëjmë fëmijë gjithsecili.