Besarta Jashari merr titullin “Ambasadore e Paqes” si dëshmitare e luftës së familjes Jashari

Besarta Jashari dje ka marrë titullin “Ambasadore e Paqes” nga Federata Universale e Paqes në aktivitetin e mbajtur në Kosovë me temë ”Gratë, themel i paqes së qëndrueshme”.

Këtë titull ajo e mori si një dëshmitare e luftës, sakrificës dhe heroizmit të familjes.

Lajmin e bëri të ditur ish kryetari i Skënderajt dhe familjari i saj, Bekim Jashari.

Postimi i plotë:

Si një dëshmitare e gjithë luftës, sakrificës dhe heroizmit të familjes, motra ime Besarta dje ka marrë titullin “Ambasadore e Paqes” nga Federata Universale e Paqes në aktivitetin e mbajtur në Kosovë me temë ”Gratë, themel i paqes së qëndrueshme”, ku përveç Besartes janë emëruar ambasadore të paqes edhe gra tjera që në një apo formë tjetër kanë kontribuar për vendin dhe tani me aktivitetin e tyre do të vazhdojnë të kontribuojnë në rritjen e paqes në vend dhe kudo në botë.

Besarta këtë vit ishte edhe në Senatin Amerikan për të rrëfyer krimet serbe në Kosovë dhe kështu gjithë atë çka kanë perjetuar gratë dhe populli ynë do të vazhdojë ta prezantojë çdokund duke kërkuar drejtësi për viktimat dhe dënim meritor për kriminelët që edhe sot fatkeqësisht po e mbajnë peng paqen në ballkan.

Në gjithë këtë rrugë Besarta si edhe çdokush tjetër do ta këtë mbështetjen time maksimale.

Duke kujtuar të kaluarën e lavdishme ndërtojmë paqen që na duhet të gjithëve!