Baraliu e bën horë ministrin Murati: Hiqe tarifën e shit filozofi, ti po do me ia kushtëzu Shtëpisë së Bardhë

Ish-mbështetësi i kryeministri Albin Kurti, Bleron Baraliu, e ka kritikuar ashpër ministrin e Financave, Hekuran Murati, i cili ka folur për tarifën e Kosovë ndaj produkteve amerikane.

Ai ka bërë me dije se Kosova urgjentisht duhet ta heq këtë tarifë.

Në profilin e tij në “Facebook”, Baraliu ia ka rikujtuar Muratit nuk mund ta kushtëzon ShBA-në në lidhje me këtë çështje.

“Hec mor’ hiqe tarifën mos shit filozofi të lakta! Ti po don me ia kushtëzu Shpisë s’Bardhë ‘tregtinë e lirë’ vetëm përmes marrëveshjes. Krejt eksporti amerikan në Kosovë nuk mjafton as sa me i pagu avokatët për draftim të marrëveshjes, e ti thua, ‘ja, duam marrëveshje’. Pastaj, flet për impakt: heqja e taksës do të ishte gjest i rëndësishëm taktik e diplomatik, o amater, jo çështje financiare. Në fund, Kosova duhet të mos ketë tarifa apo ketë vetëm tarifa reciproke, sikur ka vendosë Amerika së fundmi – çdo gjë tjetër është politikë regresive, protekcioniste që e dëmton qytetarin dhe vendin”, ka shkruar Baraliu.