Babë e bir të dyshuar për therjen me thikë të 29-vjeçarit në Prizren në duart e Policisë, sigurohen pamjet

Të shtunën u raportua për një rast të tentim vrasjes në rrugën “Tranziti i Ri” në Prizren, ku një person u sulmua me thikë.

Dy të dyshuarit që ndodheshin në arrati, tashmë ndodhen në ndalim policor.

Burimet e Sinjalit kanë bërë me dije se Policia ka siguruar prezencën e dy të dyshuarve, Hamdi dhe Rilind Zulfaj (babë e bir) dhe të njëjtit janë ndaluar.

Ndaj tyre, Prokurori i Shtetit ka urdhëruar dorëzimin e kallëzimit penal, teksa janë siguruar edhe pamje nga kamerat e sigurisë.

Sipas informacioneve të para, incidenti ka ndodhur pas një konflikti verbal mes dy palëve, që eskaloi në përdorimin e mjeteve të mprehta.

Viktima siç mëson Sinjali është një 29-vjeçar, i cili ka pësuar plagë është dërguar në Spitalin e Prizrenit për trajtim mjekësor.

Motivi i rastit sipas të njëjtave burime dyshohet se lidhet me rregullimin e një automjeti.

Lidhur me rastin, është vënë në dijeni dhe Prokurori i Shtetit, i cili ka urdhëruar inicimin e rastit dhe ndërmarrjen e veprimeve të nevojshme.

Lajmi është konfirmuar edhe nga Policia Rajonale në Prizren.