Babai i ‘Albert Malishevës’ i arrestuar për fajde publikon foton e viktimës: I ndihmove me vite, doli mashtrues

Babai i të arrestuarit për fajde, Albert Rexhepit, Zymer Rexhepi i njohur me mbiemrin ‘Malisheva’ ka dalë me një reagim, duke publikuar një fotografi të viktimës me të birin – si dhe një mbishkrim, që siç duket, po merr “hak” ndaj tij.

Në foton e publikuar në Facebook, babai i Albertit ka shkruar “Ky djali jem osht shoku që i ndihmove me vite dhe në fund të dul mashtrus dhe tradhtar…ka pas burra gjithher por jo tradhtar si ky”.

‘Albert Malisheva’ ishte arrestuar më 25 qershor nga Policia e Kosovës për rastin me fajde në Gjilan, pasi fillimisht nuk ishte gjetur në shtëpi, ditën kur Policia zhvilloi aksion dhe arrestoi dy personat e dyshuar, babë e birë, Mefail e Edison Shkodra.