Arrestohet një i mitur serb në Kosovë për kontrabandë me migrantë
Një i mitur serb është arrestuar në fshatin Seqishtë të Hanit të Elezit të martën për kalim të paautorizuar të kufirit dhe kontrabandë me migrantë.
Njoftohet nga raporti policor 24-orësh se ai është ndaluar derisa ishte duke përcjellë pesë shtetas kinezë në drejtim të Maqedonisë së Veriut, të cilët dyshohet se kishin kaluar kundërligjshëm kufirin nga Serbia në territorin e Kosovës.
“Me vendim të prokurorit i dyshuari pas intervistimit është dërguar në mbajtje për 24-orë, ndërsa 5 shtetasit kinezë janë kthyer-depërtuar në Serbi”, thuhet në njoftim.
