Arrestohet në Jarinjë serbi që ditë më parë pagoi 30 mijë euro dorëzani, tentoi të ikte nga Kosova

Është arrestuar Sinisha Nedeljkoviq, pasi tentoi të ikte nga Kosova, ku ditë më parë dha dorëzani prej 30 mijë eurove pasi ishte arrestuar gjatë një operacioni të policisë ku u gjet drogë në veri të vendit më 23 maj të vitit 2022.

Lajmin e ka konfirmuar zëvendësdrejtori i policisë për rajonin e veriut, Veton Elshani.

“Është arrestuar. S’ka pasur të drejtë ta lëshojë Kosovën dhe pas konsultimit me prokurorin është dërguar në mbajtje për 48 orë”, tha Elshani, njofton Klankosova.

Gjykata Themelore në Prishtinë më 17 shtator ia caktoi masën e dorëzanisë, pas propozimit të Prokurorisë Speciale.