Anita Haradinaj nga sonte bëhet analiste e Big Brother Kosova

Në spektaklin e fundit Prime të Big Brother VIP Kosova, Afërdita Paqarada njoftoi dorëheqjen e saj nga roli i opinionistes së këtij formati televiziv, duke e theksuar se një vendim i tillë ka ardhur për arsye personale të saj.

Por, që nga nata Prime e sotme, një prej karrigeve të panelit të opinionistëve është e rezervuar enkas për moderatoren, Anita Haradinaj.

Sonte, Haradinaj do të shfaqet për të parën herë në publik si një opinioniste e Big Brother VIP Kosova, teksa pritet që bashkë me Olti Currin, të komentojë ngjarjet e fundjavës në shtëpinë e “Vëllait të Madh”.

Spektakli Prime i kësaj të hëne, nis sonte nga ora 21:00 dhe transmetohet ekskluzivisht në ekranet e Klan Kosova dhe ArtMotion, si dhe ‘live’ edhe në platformën YouTube.