Aksidentohen dy vetura dhe një traktor në Rahovec, lëndohen tre persona

Numri i madh i aksidenteve në trafik po vazhdon të jetë shqetësues. Çdo ditë raportohet për aksidente të shumta në komunikacion dhe në të shumtën e rasteve shkaktohen si pasojë e pakujdesisë së shoferëve gjatë vozitjes, duke rrezikuar kështu jetën e tyre dhe të pjesëmarrësve tjerë në trafik, raporton Gazeta Sinjali.

Një i tillë ka ndodhur në fshatin Xërxë të Rahovcit.

Në aksident kanë qenë të përfshirë dy vetura dhe një traktor. Ndërsa tre persona kanë mbetur të lënduar.

Lajmin për Gazetën Sinjali e ka konfirmuar Sheremet Elezaj, zëdhënës i Policisë së Kosovës për rajonin e  Gjakovës.

“Rreth orës 19:05 është raportuar aksident trafiku në fshatin Xerxë-Rahovec. Policia ju ka përgjigjur rastit, ku të përfshirë kanë qenë dy vetura dhe një traktor. Për pasojë, përveç dëmeve të konsiderueshme materiale, lëndime kanë pësuar tre persona. Rastin është duke e trajtuar nga Njësia Rajonale e Komunikacionit Rrugor”, ka deklaruar ai.