Aksident në autostradën Prishtinë-Prizren, rrotullohet një veturë

Numri i madh i aksidenteve në trafik po vazhdon të jetë shqetësues. Çdo ditë raportohet për aksidente të shumta në komunikacion dhe në të shumtën e rasteve shkaktohen si pasojë e pakujdesisë së shoferëve gjatë vozitjes, duke rrezikuar kështu jetën e tyre dhe të pjesëmarrësve tjerë në trafik, raporton Gazeta Sinjali.

Një i tillë raportohet të ketë ndodhur në autostradën Prishtinë-Prizren, afër fshatit Arllat.

Sipas videos të dërguar nga sinjalizuesi, një veturë është rrotulluar ndërsa në vendin e ngjarjes shihet të ketë arritur Policia e Kosovës dhe autoambulanca.

Nuk dihet nëse ka të lënduar nga ky aksident.