Aksident me vdekje në Dibër, humb jetën 20-vjeçari
Një aksident me pasojë vdekjen ka ndodhur pasditen e së shtunës në Dibër. Bëhet e ditur se ngjarja ka ndodhur rreth orës 14:15 në rrugën dytësore të fshatit Melan.
Sipas informacioneve, një 18-vjeçar ka humbur kontrollin e automjetit tip “Golf” që po drejtonte dhe për pasojë ka dalë nga rruga.
Plagëve nuk ka mundur t’u mbijetojë një 20-vjeçar që ishte pasagjer në automjet. Grupi hetimor po kryen veprimet e mëtejshme në lidhje me zbardhjen e rrethanave të aksidentit.
