Adriana Matoshi e kalon me suksese operimin: Po kthena me fitoren e tretë

March 15, 2024 02 Press

Deputetja e Parlamentit të Kosovës nga radhët e Vetëvendosjes, Adriana Matoshi para pak çastesh ka njoftuar opinionin se e ka përfunduar me sukses operimin e saj, raporton Sinjali.

Matoshi thotë se po kthehet për të tretën herë, pasi edhe dy herë të tjera ajo i ishte nënshtruar një operimi të tillë.

“Nuk mund të mos e mbaj premtimin. Po kthehna me fitoren e tretë”, shkroi mes tjerash ajo.

Postimi i plotë i Matoshit në Facebook:

Nuk mund të mos a mbaj premtimin. Po kthehna!

Me fitoren e tretë.

Prej ditës kur ju informova për sfidën tem të re, telefoni nuk u ndalë prej mesazheve e telefonatave.

Vazhdimisht jam prezente në klinika e spitale të ndryshme. Kur shkoj e takoj prindë të pashpresë për fëmijët e tyne, ju jap motiv e tentoj me i gjetë fjalët ma të duhuna që ia ngrohin zemrën një prindi në ato çaste.

Tash e di dhe vet sa peshë paska prezenca e fjalët e ngrohta.

Në situata të tilla jemi krejt të barabartë. Njerëz të thjeshtë prej trupi, shpirti e zemre.

Sot po ndihem ma mirë. Iku dhe tumori i tretë.

U zgjova ma në fund edhe prej një andrre të keqe.

Kur e pashë interesimin e përkrahjen e të gjithëve ju, u binda që kam ma ia dalë prapë.

Uroj të jetë sfida e fundit në lidhje me shëndetin.

Falenderoj Zotin që pranoi lutjet tona, e më drejtoi si gjithmonë tek doktorë profesionistë të cilët ma shpëtojnë jetën qe disa herë.

Falenderoj mikeshën time Sellma Dubova, një feministe e punëtore e pashoqe për krejt ata që e njohin.

Falenderoj dr. Hetem Ramadanin për krejt këshillat qysh me e mbrojt shëndetin e me ngritë imunitetin me disiplinën ditore.

Falenderoj zemrën tem, shoqen tem që këto ditë ka qëndru afër meje.

Lexo edhe: Mjeku kujdestar për një nga të plagosurit në Prishtinë: Ka plagë në kraharor, por në gjendje stabile

Vali përjetësisht të jam mirënjohëse.