Bënin gara me vetura, policia gjobit me nga 1 mijë euro dy mërgimtarë
Policia në Ferizaj ka gjobitur dy shoferë të cilët po zhvillonin gara të shpejtësisë.
Të dy shoferët të moshës 20-vjeçare, janë me shtetësi të Francës, e që në zonën 40 km/h po zhvillonin shpejtësi 144 km/h.
Ndaj dy të dyshuarve policia ka shqiptuar gjobë prej 1000 euro për secilin.
Njoftimi i plotë:
Ferizaj, 21.07.2024
Gjobë ndaj dy shoferëve që zhvilluan gara të shpejtësisë në Ferizaj.
Policia Rajonale e Komunakacionit Rrugor në Ferizaj, me datën 21.07.2024 rreth orës 02:10 në rrugën ’’Rexhep Bislimi ’’ në Ferizaj ka ndaluar dy shoferët : M.H(M/K) i moshës 20 vjeçar dhe G.S ( M/K) i moshës 20 vjeçar, të dy me venbanim në Francë, të cilët me veturat e tyre po bënin gara të shpejtësisë, ku në zonën e kufizimit 40 km/h po zhvillonin shpejtësi 144 km/h, duke i rrezikuar pjesëmarrësit në komunikacionin rrugor.
Ndaj tyre policia u shqiptoi nga një gjobë për kundërvajtje sipas ligjit të komunikacionit rrugor, me dënim 1000 euro, gjobë e cila me pëlqimin e palëve u shqiptua edhe për masën mbrojtëse dhe pikët negative, për shtetasit e huaj.
Me këtë rast Policia Rajonale në Ferizaj apelon tek shoferët e automjeteve që të respektojnë shenjat dhe rregullat e komunikacionit.
Veprimet e tilla rrezikojnë direkt jetën e tyre dhe pjesëmarrësve tjerë në komunikacion dhe fton qytetarët të bashkëpunojnë me policinë.
Për të gjitha kundërvajtjet që mund të shkaktohen në komunikacion, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192 ,0290/326-250 & 0290/322-406.
