Rrëmbeu një person dhe kërkoi 30 mijë euro për lirimin e tij, arrestohet 23 vjeçari në Prishtinë

Një person me inicialet SH.K (23 vjeçar) ështl arrestuar sonte në Prishtinë.

Ai kishte rrëmbyer sot një person dhe kishte kërkuar nga familja 30 mijë euro për lirimin e tij, shkruan gazeta online Reporteri.net.

Lajmi është bërë i ditur nga Policia e Kosovës nëpërmjet një komunikate.

Policia ka arritur ta arrestojë të dyshuarin p[r rrëmbim pak minura pas raportimit të rastit.

Në lokacionin ku është mbajtur viktima policia ka gjetur dhe sekuestruar; 1 armë,  1 thikë, 1 sopatë si dhe gjësende të tjera.

Njoftimi i plotë i Policisë:

Zyrtarët policor të Njësitit të Hetimeve të Përgjithshme të Prishtinës, në asistim të Njësitit për Reagim të Shpejtë, kanë arrestuar një person të dyshuar për veprën rrëmbim.

Rasti është raportuar sot rreth orës 18:30, ku personi i dyshuar ka rrëmbyer një person, për lirimin e të cilit nga familjarët e viktimës ka kërkuar një shumë parashë(30000 euro).

Arrestimi i personit të dyshuar:

Sh. K.mashkull, 23 vjeç , shtetas i Republikës së Kosovës, dhe lirimi i viktimës ( në gjendje të mirë shëndetësore), është bërë pak minuta pas raportimit si rezultat i një pune intenzive hetimore, të cilën zyrtarët policor e kanë ndërmarrë në bashkëpunim me prokurorin e shtetit.

Pjesë e aksionit policor ka qenë edhe bastisja dhe ekzaminimi i lokacionit ku është mbajtë viktima, aty janë gjetë dhe sekuesteuar:
-1 armë
-1 thikë
-1 sopatë si dhe gjësende të tjera.
Po ashtu me vendim të prokurorit është konfiskuar edhe një veturë.

Aktualisht hetuesit policor në koordinim me prokurorin e shtetit, janë duke kryer veprimet e nevojshme procedurale.