Parashikimi i motit gjatë vikendit

Sot pritet të kemi mot me diell dhe vranësira lokale.

Temperaturat do të shënojnë rritje, kurse pasdite në disa rajone priten rrebeshe të izoluara shiu me vetëtima dhe bubullimë. Erërat do të fuqizohen kryesisht nga jugperëndimi, ndërsa temperatura maksimale deri në 27 gradë Celsius.

Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot me diell dhe vranësira. Lokalisht priten rrebeshe shiu sidomos në Mal të Zi dhe veri të Shqipërisë. Pasdite parashihen zhvillime të izoluara të rrebesheve të shiut me vetëtima dhe bubullimë.

Nga e diela na pret mot i nxehtë dhe me erëra nga jugu, jugperëndimi dhe juglindja. Vende-vende priten zhvillime të rrebesheve të izoluara të shiut me vetëtima dhe bubullimë ku mund të ketë edhe stuhi të izoluara shiu./MeteoBallkan