Santiana rrëfen sfidën me kancerin në moshën 18-vjeçe, thotë se e trashëgoi nga nëna e saj

Konkurrentja e Big Brother VIP Kosova, Santiana ka rrëfyer një prej historive më të trishta të jetës së saj.

Ajo ka detajuar mënyrën sesi ishte diagnostikuar me kancer në gji, në moshën 18 vjeçe.

Santiana ka treguar se gjithçka kishte nisur nga një prekje, që rezultoi t’ia jepte sinjalin e parë se diçka nuk ishte në rregull.

Ajo ka treguar procedurat mjekësore nëpër të cilat kishte kaluar, sfidat dhe gjithçka tjetër – fati kishte dashur që diagnostikimi ishte bërë në kohë të nisjes së fillimit të zhvillimit të kancerit – çka i dha asaj hapësirë për tu kuruar duke mos e lejuar situatën të rëndohet.

Në fund, Santiana ka rrëfyer se këtë problem shëndetësor e kishte trashëguar nga nëna e saj.