Nga vila sekuestruar e Millan Radoiçiqit, policët nisen drejt patrullimit në Liqenin e Ujmanit
Nga shkallët e vilës së sekuestruar të Millan Radoiçiqit, zyrtarët e Policisë së Kosovës po nisen për patrullim në Liqenin e Ujmanit.
Me dy anije të ndara e të pajisur me mjetet e nevojshme, policët po kryejnë detyrat e tyre.
Mbi këto anije të vendosur janë edhe flamuri i Kosovës edhe ai i Policisë së Kosovës.
Patrullimi i tyre nisi nga vila e Radoiçiqit, personi që mori përgjegjësinë për sulmin terrorist që ndodhi në Banjskë të Zveçanit.
Radoiçiq mbante pozitën e nënkryetarit të partisë më të madhe të serbëve në Kosovë, Lista Serbe.
Ai dha dorëheqje nga kjo pozitë pas sulmit që u bë më 24 shtator 2023, ku i vrarë mbeti polici i Kosovës, Afrim Bunjaku.
Në kundërpërgjigje, pjesëtarët e PK-së vranë tre pjesëtarë të grupit terrorist përderisa pjesa tjetër u arratisën në Serbi.
