Digjet tërësisht një vilë në Shalë të Lipjanit, dyshohet se dikush ia vuri flakën qëllimisht
Një vilë është përfshirë nga zjarri në fshatin Shalë të Lipjanit, ku si pasojë janë shkaktuar dëme të mëdha materiale.
Sinjali mëson se pronari i vilës ka njoftuar Policinë, ku ka deklaruar se dyshon që zjarri është shkaktuar qëllimisht nga dora e njeriut.
Bazuar në dëshminë e tij, vlera e dëmit kap shifrën e rreth 10 mijë eurove.
Njësitë policore kanë dalë në vendin e ngjarjes, për të kryer ekzaminimet e nevojshme që ndihmojnë në zbardhjen e rrethanave të rastit.
Me urdhër të prokurorit, rasti është cilësuar ‘Zjarrvënie’, ndërsa veprimet tjera ligjore do merren varësisht nga zhvillimi i hetimeve.
