Aksident i rëndë në Drenoc të Klinës, 5 persona të lënduar

Pesë persona janë lënduar në një aksident trafiku që ndodhi mesditën e sotme në fshatin Drenoc të Komunës së Klinës.

Zëdhënësi i Policisë, Fadil Gashi bëri të ditur për Paparacin se të lënduarit janë dërguar në Emergjencën e Pejës për trajtim mjekësor.

“Rreth orës 13:30 ka ndodhur një aksident trafiku në fshatin Drenoc në Komunën e Klinës. Në aksident janë përfshirë dy automjete, ndërsa pesë persona janë dërguar në Emergjencën e Pejës për trajtim mjekësor. Ende nuk dihet gjendja e të lënduarve. Policia është në vendngjarje”, tha Gashi për Paparacin.