9 vite më parë, Ballisti ngriti dronin në Beograd duke çmendur Serbinë

Si sot nëntë vite më parë Kombëtarja Shqiptare e Futbollit luante kundër Serbisë në Beograd, një ndeshje që kurrë nuk ishte ndeshje futbolli pasi që pa filluar takimi lojtarët kuq e zi u përballën me kore rraciste.

Takimi u ndërpre në minutën e 41, pasi në fushë u hodhën disa lëndë plasëse që kishte që nga fillimi që hidheshin. Po në atë moment pas disa sekondash shfaqet në qiell flamuri i Shqipërisë së madhe me mbishkrimin “Authochthonous”, vepër e Ismail Morinës.

Pas shfaqjes së flamurit tifozët vendas futen në fushë dhe sulmojnë fizikisht lojtarët e kombëtares tonë. Kryesori i takimit Atkinson vendos që takimi nuk mund të luhet më.

Në përfundim të gjithçkaje edhe pse fillimisht ishte shumë e vështirë, Shqipëria mori tri pikët në tavolinë, tri pikë që ishin mjaft të rëndësishme në kualifikimin tonë në evropianin e Francës “Euro 2016”.