Arrestohet një 16 vjeçar në Pejë, dyshohet se planifikonte vrasjen e nxënësve në klasën e tij

Një operacion i gjerë kontrolli është zhvilluar dje në rajonin e Pejës, ka rezultuar me arrestimin e një 16 vjeçari në Pejë.

Burime brenda Prokurorisë kanë thënë se i dyshuari kishte plane për të kryer një sulm vrasës ndaj nxënësve në klasën e tij.

KALLXO.com mëson se rasti ishte nisur të hetohej nga Prokuroria e Pejës, por për shkak të ndjeshmërisë ai është bartur në Prokurorinë Speciale.

Prokurori Ersan Qavolli ka konirmuar për KALLXO.com se rasti është bartur tek Prokuroria Speciale.