Qeveria kërcënon grevistët, do t’ua ndalim pagat!

Sot në Kosovë ka filluar greva e përgjithshme e sektorit publik.

Kjo për shkak që sindikalistët nuk kanë arritur të merren vesh me Qeverinë për të parandaluar grevën e paralajmëruar ditë më parë.

Sindikatat i kanë bërë thirrje kryeministrit Albin Kurti që të ndryshojë qasjen dhe të realizojë kërkesat për mbështetje prej 100 euro për sektorin publik.

Ndërsa,Front Online ka siguruar një dokument i cili u ka shkuar grevistëve nga sekretari i Përgjithshëm i Ministrisë së Financave, Enis Spahiu, në të cilin thuhet se të gjithë ata që i janë bashkuar kësaj greve duhet të pezullohen nga paga.

Media për këtë çështje ka kërkuar përgjigje edhe në Ministrinë e Financave, por të njëjtit nuk kanë qenë të qashshëm.