Bëhet virale videoja e policit të Shqipërisë teksa i këndoi Adem Jasharit mbrëmë në “Air Albania”
Fitorja e Kombëtarës së Shqipërisë mbrëmë ndaj Kombëtarës së Polonisë me rezultatin 2-0, falë supergolit të Asanit dhe të Dakut, elektrizoi mbi 22 mijë tifozët në stadiumin e Tiranës “Air Albania”, të cilët festuan deri në orët e vona rrugëve të qytetit, raporton Sinjali.
Atmosfera e zjarrtë e shoqëruar me këngë patriotike e përcolli kombëtarën shqiptare gjatë gjithë ndeshjes.
Teksa festës së tifozëve, pas përfundimit të ndeshjes, iu bashkuan edhe lojtarët e kombëtarës të cilët njëzëri kënduan këngën legjendare “Mora fjalë”.
Kësaj feste, përveç lojtarëve iu bashku edhe dikush tejet i veçantë. Bëhet fjalë për njërin nga pjestarët e Policisë së Shqipërisë, i cili ishte në krye të detyrës e që nga atëherë është bërë viral kudo në rrjete sociale, pasi u kap nga kamera e një tifozi duke mos i përballuar emocionet me ç’rast iu bashkuar festës nën këngën për komandantin legjendar, Adem Jashari.
Që nga mbrëmë videoja e tij në rrjetin social “TikTok” u shikua plot 233 mijë herë, ndërsa u pëlqye nga më shumë se 21 mijë përdorues të këtij aplikacioni.
@proshkodraMoment fantastik, policit duke i knu shpirti! 🔥🔥🔥🔥🔥🇦🇱🇦🇱🇦🇱🇦🇱🇦🇱🇦🇱
