Mitrovicë: Viktima e masakruar, vdekja e dyshimtë bëhet vrasje e rëndë

Shenjat e dhunës, përfshirë ato të shkaktuara nga mjetet e mprehta, iu panë gati se në gjithë trupin, pothuajse të zhveshur, kur 56-vjeçari S. M. u gjet pa shenja jete, të shtunën pasdite, afër spitalit e Mitrovicës, e jo larg banesën ku jetonte.

Ani se i ndjeri, siç mëson Klani, kishte një shumë të hollash me vete, familjarët e tij nuk është se patën dyshime në dikë, fillimisht, por dilemat se ai mund të jetë vrarë nisën kur u mor vesh se mungonte makina të cilën ai e shfrytëzonte.

Gjetja e saj, e mbuluar me një batanije, në shtëpinë e një personi tjetër, u bë sebep për hetime më të thella. Burri u arrestua dhe mëpastaj rasti u rikualifikua nga “Vdekje e dyshimtë, në “Vrasje të rëndë”.