Haxhiu: Qeveria Zdravo në panik – nuk mund t’i zhdukni skandalet me mbylljen e mediumeve

Deputeti i Partisë Demokratike të Kosovës, Bekim Haxhiu ka reaguar pas vendimit të MINT për pezullimin e licencës së televizionit Klan Kosova, duke thënë se “regjimi” i Albin Kurtit me këtë vendim i kujton kohën e mbylljes së RTP-së nga pushteti serb.

Haxhiu krejt këtë po e sheh si përprekje të qeverisë që ta shuaj zërin e mediave, fjalën e lirë, siç shprehet ai veç pse po raportojnë për skandalet e tij e qeverisë së tij.

“Nuk mund t’i zhdukni skandalet me mbylljen e mediumeve, sepse në këtë zhvillim teknologjie sot gjithësecili qytetarë është gazetar.

Qeveria Zdravo, e vjedhjes edhe në vaj e rezerva shtetërore është në panik të zbulimit të së vertetës prandaj gjahu i Albinit janë mediat që s’po mbrrinë t’i kontrolloj”, tha ai ndër tjera.

Reagimi i plotë:

Regjimi i Albin Kurtit mbyll mediumin Klan Kosova.

Ky vendim na e kujton kohën e mbylljes së RTP-së nga pushteti serb.

Kjo qeveri autokratike, po mundohet ta shuaj zërin e mediave, fjalën e lirë, veç pse po raportojnë për skandalet e tij e qeverisë së tij.

Për skandalet e Martin Berishës raportojnë çdo ditë mediat sllovene, atyre nuk ua mbyll dot gojën.

Klan Kosova duhet të vazhdoj emetimin e programit. Le ti dergon policinë ashtu siç bëri Millosheviqi në vitet e ’90-ta.

Nuk është më në pyetje vetëm Klan Kosova, por ky është paralajmërim i cenimit të mediave tjera në Kosovë.

Nuk mund t’i zhdukni skandalet me mbylljen e mediumeve, sepse në këtë zhvillim teknologjie sot gjithësecili qytetarë është gazetar.

Qeveria Zdravo, e vjedhjes edhe në vaj e rezerva shtetërore është në panik të zbulimit të së vertetës prandaj gjahu i Albinit janë mediat që s’po mbrrinë t’i kontrolloj.

Të gjithë në mbrojtje të fjalës së lirë, për të cilën u derdh aq shumë gjak.