Yll Limani ndan pamje të reja nga dasma private e Arbanës dhe Eduartit

Moderatorja e njohur shqiptare, Arbana Osmani dhe partneri i saj, regjisori Eduart Grishaj pak ditë më parë organizuan një ceremoni luksoze të dasmës në Toskana të Italisë.

E veçanta e kësaj dasme ishte se të ftuarve nuk iu lejua që të publikon video dhe foto gjatë ceremonisë.

Megjithatë disa prej tyre e ‘thyen’ këtë rregull duke ndarë imazhe personale dhe detaje të vogla nga dasma e çiftit.

Një prej të ftuarve ishte edhe këngëtari nga Kosova, Yll Limani, i cili edhe ka sjellur disa fotografi të ndryshme nga atje teksa shihet në një kostum elegant.

Në imazhet e reja që postoi sot (e mërkurë), Ylli u pa veshur me një kostum me ngjyrë të gjelbër të lehtë të kmbinuar me këmishë të bardhë.

Mes tyre, autori i “U kry” solli edhe foto brenda ceremonisë ku mund të shihej në numër i madh i të ftuarve.

“E fundit”, ka shkruar Ylli duke iu referuar postimeve nga dasma e dyshes.

Ndryshe, theksojmë që së fundmi Ylli ka paralajmëruar një duet të ri me këngëtaren, Dafina Zeqiri.