“Islamofob, racist, komunist, turp!”/ Qytetarët ‘kryqëzojnë’ Kurtin pasi shpërndau fotografinë ku nuk shihet gruaja me mbulesë
Takimi i shumëpritur me sekretarin amerikan të Shtetit, Antony Blinken, me udhëheqësit shtetërorë të Republikës së Kosovës, Vjosa Osmani e Albin Kurti, u prit me kureshtje të madhe nga të gjithë. Pas takimit pati reagime të shumta nga akterë politikë, persona të sferës publike e qytetarë.
Por rëndësia e takimit duket se u ‘zbeh’ paksa, pasi qytetarët vunë në fokus një fotografi të publikuar nga kryeministri Kurti gjatë takimit me Blinken dhe zyrtarët tjerë amerikanë.
Në fotografinë e publikuar nga Blinken, shihet se e pranishme në takim ishte edhe një grua me mbulesë, e cila mori gjithë vëmendjen pasi ‘mungon’ në fotografinë që u shpërnda nga Kurti.
Fotografia nga një kënd tjetër u përcoll me shumë reagime nga qytetarët e Kosovës, të cilët kritikuan Kurtin për publikimin e saj, shkruan Gazeta Sinjali.
Në postimin e shefit të Qeverisë kanë vërshuar afërsisht 100 komente nga qytetarë që kërkojnë llogari nga Kurti se përse ka edituar fotografinë dhe ka hequr gruan me mbulesë që aty. Ata e kanë quajtur kryeministrin islamofob, komunist e racist, duke i bërë thirrje që të publikojë fotografinë e plotë.
“Kryeminister Albin Kurti, ku eshte ajo zonja me mbulese qe gjindej ne pjesen e majte te fotografise te cilen vetemse e shfaqi Blinken? Shpresoj qe faqen ta menaxhon ndonje i papjekur duke bere kete gabim trashanik!”, thotë njëri nga komentuesit.
Ndërsa të tjerët e kanë konsideruar si turp ‘editimin’ e fotografisë, duke ia kujtuar Kurtit qëndrimet e tij lidhur me bartjen e shamisë.
“Ti ishe ai që thoshe se ” Neve nuk na intereson qka ka mbi kok por në kok” turp te keni si mundet te preni fotografin”, shprehet komentuesi tjetër.
Pati edhe nga ata që pohojnë se ‘ndërhyrjet’ në fotografi u bënë pikërisht që të largohet nga aty zyrtarja amerikane me mbulesë.
“A ishe edhe nje person pjese e ketij takimi? Ahh eshte me mbules duhet te prehet foto. Turp!; Albin Kurti po deshmohesh qe je Islamofob. Po shihet qe kjo fotografi osht e bome CROP qe mos te del vajza me mbules ne fotografi”, shkruajnë disa komentues tjerë.
E disa të tjerë e kanë hallin se nëse sekretari Blinken sheh këtë fotografi, do të ketë pasoja për Kurtin.
“Me ta pa Blinkeni foton e preme për shkak të një zonje me shami, është turp o Kryeminister!; O #islamofob hala se ka pa shpija bardh qe e ki pre foton e gruas me mbules se kan me ta ba block hyrjen ne Amerike”, kanë shkruar dy komentues tjerë.
Lidhur me gjithë këtë ka reaguar edhe një klerik fetar, i cili fajësoi mediat duke i quajtur raciste dhe duke pretenduar se ato e modifikuan fotografinë të cilën e shpërndau kryeministri Kurti në faqen e tij zyrtare.
Të gjitha komentet në profilin e Kurtit mund t’i lexoni duke klikuar KËTU.
