Ndalohet në Leposaviq vetura me targa ruse, arrestohen dy persona
Policia e Kosovës ka njoftuar se ka arrestuar dy persona me origjinë franceze të cilët tentuan të futen ilegalisht në Kosovë.
Ngjarja ka ndodhur dje rreth orës 17:50, në fshatin Jashanicë, Komuna e Leposaviçit,, Njësitet Policore Kufitare-DRK-Veri, kanë ndaluar automjetin Land Rover, ngjyrw e bardhë, me targa të huaja (ruse), në tw cilin gjendeshin dy persona meshkuj, B.G. (1954) dhe A.F. (1986), me shtetësi franceze, të cilët kishin hyrë nga territori i Serbisë në territorin e Republikës së Kosovës duke kaluar në mënyrë ilegale vijën kufitare.
Njoftimi i policisë:
Dërgohen në mbajtje dy persona të dyshuar, shtetas të huaj për kalim ilegal të kufirit
Prishtinë, 26 korrik 2022
Me datën 25.07.2022 rreth orës 17:50, në fshatin Jashanicë, Komuna e Leposaviçit,, Njësitet Policore Kufitare-DRK-Veri, kanë ndaluar automjetin Land Rover, ngjyrw e bardhë, me targa të huaja (ruse), në tw cilin gjendeshin dy persona meshkuj, B.G. (1954) dhe A.F. (1986), me shtetësi franceze, të cilët kishin hyrë nga territori i Serbisë në territorin e Republikës së Kosovës duke kaluar në mënyrë ilegale vijën kufitare.
Dyshohet se të dyshuarit duke përdorur rrugët ilegale kane hyrë në Republikën e Kosovës, me ç’ rast të njëjtit kanë kryer veprën penale ‘Kalimi i paautorizuar i vendkalimeve kufitare ose i vijës kufitare’. Për të gjitha veprimet është njoftuar prokurori kompetent i Prokurorisë Themelore në Mitrovicë, i cili ka autorizuar inicimin e rastit dhe me vendim të prokurorit, të dyshuarit dërgohen në mbajtje.
Njësi relevante të Policisë së Kosovës janë duke e trajtuar dhe hetuar rastin.
