70 mijë euro kesh, Benz S-Class- Çka i sekuestroi shteti Bashkim Osmanit, pronarit të Laberion?
Bashkrim Osmani, pronari i “Dona Laberion” është njëri nga 15 personat e arrestuar në aksionin e fundit të Policisë së Kosovës që akuzohen për përfshirje në veprimtari kriminale, shkruan Gazeta Insajderi.
Biznesmenit, Bashkim Osmani i janë sekuestruar para kesh dhe një veturë. Sipas kërkesës së prokurorisë, Osmanit i janë sekuestruar mbi 70 mijë euro kesh dhe një veturë e tipit ‘Benz S-Class‘.
Operacioni policorë që u zhvillua me 2 mars në disa qytete të vendit nga Prokuroria Themelore e Ferizajt kishte cak kryesisht të dyshuarit për fajde të cilëve u janë sekuestruar vetura, armë e rreth 83 955 euro.
Bashkim Osmani dyshohet për fajde, detyrim e shmangie nga tatimi. Sipas prokurorisë, Osmani ka shfrytëzuar gjendjen e vështirë financiare të të dëmtuarit, N.B., nëpërmjet Gëzim Sinanit, i ka dhënë atij 200 mijë euro me fajde, duke i kontraktuar një shumë mujore në vlerë të 12 mijë eurove si fajde.
E prej tyre, sipas Prokurorisë, 8 mijë euro i ka marrë pronari i kompanisë ‘Dona Laberion’, ndërsa 4 mijë tjerat Sinani.
Në pamundësi që të paguajë borxhin, i dëmtuari është detyruar t’i marrë edhe 200 mijë euro tjera në kushte të njëjta dhe si rrjedhojë borxhi total kapte shifrën e 1 milion e 96 mijë eurove.
Nga Bashkim Osmani, i dëmtuari N.B., nëpërmjet Gëzim Sinanit kishte marrë me fajde edhe 80 mijë euro, për të cilat në muaj do të paguante nga 8 mijë euro si fajde.
Prej pagesës mujore, Osmani kishte marrë nga 6 mijë euro, ndërsa Sinani nga 2 mijë.
Me këto veprime, ata dyshohet se kanë kryer në bashkëkryerje veprën penale ‘Fajdeja’.
Biznesmenit, Bashkim Osmani i janë sekuestruar para kesh dhe një veturë. Sipas kërkesës së prokurorisë, Osmanit i janë sekuestruar mbi 70 mijë euro kesh dhe një veturë e tipit ‘Benz S-Class‘.
Bashkim Osmani është në mesin e të arrestuarve që dyshohen për fajde, detyrim e shmangie nga tatimi.
Ai është biznesmen i njohur llapjan, pronar i kompanise ‘Dona Laberion’ e cila bën prodhimin dhe distribuimin e lëngjeve EKOfrut, EKS, DONA dhe PUNCH.
Ai është edhe kryetar i Shoqatës së Afaristëve të Podujevës.
Gjatë këtij aksioni janë kontrolluar dhe bastisur një numër i madh i auto salloneve, shtëpive dhe lokaleve përcjellëse në lokacione të ndryshme, konkretisht në qytetin e Prishtinës, Ferizajt, Vushtrrisë, Lipjanit dhe komunës së Vitisë.
Policia përmes raportit 24 orësh ka njoftuar se janë sekuestruar armë, fishekë, para, dokumente dhe gjëra të tjera.
“Nën dyshimin se janë të përfshirë në kryerjen e veprave të cekura, ndërsa si dëshmi janë sekuestruar: 8 (tetë) armë të ndryshme me 76 (shtatëdhjetë e gjashtë) fishekë kalibër i ndryshëm, 2 (dy) shufra metalike, DVR, 22 (njëzet e dy) vetura, 2 (dy) motoçikleta, 83,995 (tetëdhjetë e tre mi e nëntëqind e nëntëdhjetë e pesë) €, 16 (gjashtëmbëdhjetë) USB dhe dokumente të ndryshme. Me vendim të prokurorit të gjithë të dyshuarit janë dërguar në mbajtje”, njoftoj policia.
