Sot në Skënderaj varroset mërgimtari që vdiq i ri, la pas gruan me 3 fëmijë

Para disa ditësh ka ndërruar jetë mërgimtari nga Skënderaj, me vendqëndrim në Itali, Kadri Syla.

Syla ishte prej fshatit Ticë të Skënderajt. Ai ndërroi jetë pas një sëmundjeje të shkurtër vetëm disa muaj pasi i vdiq babai dhe nëna.

Kadriu ishte njeri i mirë, i urtë, i edukuar dhe me shumë virtyte të rralla. Rajoni mëson se Kadriu si i vetmi djalë i kësaj familjeje u detyrua të emigrojë në moshë të re për ta mbajtur familjen. Ai la pas gruan me tre fëmijë dhe 5 motra.

Varrimi i të ndjerit bëhet sot më 19.02.2023 në orën 16:00 në varrezat e lagjes Syla në Ticë.