Detaje nga ngjarja e tmerrshme: Foshnja e vdekur u la në çarçafë, punëtori e ngatërroi dhe e futi në lavatriçe
Një rast i tmerrshëm ka ndodhur në Spitalin e Pejës javën e kaluar ku një foshnje e lindur e vdekur është futur me çarçafë në lavatriçe.
Gazeta Shneta ka mësuar nga burime brenda Spitalit të Pejes se një grua ka lindur fëmijën e saj në javën e 32-të, për shkak të problemeve shëndetësore.
Lindja është kryer me operacion dhe foshnja ishte nxjerr e vdekur, shkruan Gazeta Shneta.
Pas operacionit foshnja është vendosur në hapësirat brenda sallës, dhe ndërkohë ishte ngatërruar me çarçafët ku bashkë me ta ishte futur në lavatriçe nga një punonjës i pastrimit.
Rasti për mediat është konfirmuar edhe nga Policia e Kosovës të cilët kanë deklaruar se kanë filluar hetimet.
“Nga ankuesi, Policia ёshtё informuar pёr njё rast i cili ka ndodhur nё Spitalin Rajonal nё Pejё. Policia menjёherё ka dalё nё vendngjarje, Prokurori i Shtetit, gjithashtu. Nё vendngjarje kanё dalё edhe inspektorёt e shendetёsisё. Rasti, me urdhёr tё Prokurorit tё Shtetit, ёshtё duke u hetuar nga Prokurori i Shtetit dhe inspektorёt e shendetёsisё” thuhet në përgjigjen e Policisë për IndeksOnline.
