Shkarkohet bashkëluftëtari i Adem Jasharit, pasojnë reagimet: Turpi ju mbuloftë
Në media po raportohet se është shkarkuar Fadil Kodra nga pozita e ushtruesit së drejtorit të Agjencisë për Menaxhimin e Emergjencave (AME).
Lidhur me lajmin ka reaguar nënkryetari i Skenderajt, Sami Lushtaku i cili tha Kodra ishte njëri prej themeluesve të UÇK-së, si dhe pjesëtar i grupit të Komandantit Legjendar Adem Jashari.
Sipas tij, Qeveria e Kurtit, sic e quan ai Qeveria e turpit ka shumë antipati ndaj UÇK-së.
“Nuk ka turp më të madh sesa të shkarkohet nga pozita e Drejtorit të Agjencionit të Emergjencave, një njeri si Fadil Kodra, që gjithë jetën e ka vënë në shërbim të kombit. Duket që ka ardhë koha e proserbëve e nostalgjikëve të Jugosllavisë që të qeverisin me institucionet e Kosovës. Turpi ju mbuloftë!”, tha Lushtaku.
Tutje për shkarkimin e Kodrës reagoi edhe gazetari Milaim Zeka për të cilin tha se këto poshtërime që po i bëhen luftëtarëve të lirisë, nuk fallen kurrë.
“E paskan shkarku edhe Fadil Kodren Fadili eshte ekzemplar ne vete, i luftes, po edhe i paqes. Prej vitit 1990, bashke me Adem Jasharin, me pushke ne krah. Historia, dy gjera nuk ka me i fale. E para, kurr nuk ka me i fale politikanet e paditur e bazhibazuk, qe lejuan me ardhe ne pushtet Kmeret e Kuq te Kosoves. E dyta, keto marre dhe poshtrime qe po i behen luftetareve te lirise, kurr nuk falen!!”, shkroi Zeka.
