Arrestohen dy hajna 18 vjeçarë në qendër të Podujevës – shikoni se çka kanë vjedhur

Dy persona janë arrestuar në rrugën “Zahir Pajaziti” në Podujevë për vjedhje të rënda.

Kështu ka njoftuar Policia e Kosovës, ku thuhet se të njëjtit kishin kryer disa herë vjedhje të gjërave të ndryshme.

Njoftimi i Policisë dhe pamjet:

Arrestohen dy persona të dyshuar për vjedhje të rënda

Dje nga njësite policore të stacionit të Podujevës, janë arrestuar dy persona të dyshuar për vjedhje të rënda.
Rastet kanë ndodhë në periudhën 21 deri 26 nëntor 2022, në lokacione të ndryshme ku janë vjedhur, veshmbathje, mjete pune, bateri dhe radio të automjeteve.

Puna e hetuesve të stacionit policor të Podujevës, është finalizuar dje, ku pas marrjes së disa veprimeve operative kanë arrit që të arrestojnë personat e dyshuar:

– L. S. mashkull, 18 vjeç, shtetas i Republikës së Kosovës.

– A. Z. mashkull, 18 vjeç, shtetas i Republikës së Kosovës.

Personat e dyshuar me vendim prokurorit të shtetit janë dërguar në mbajtje, dhe ndaj tyre është iniciuar procedurë për së paku tri raste të vjedhje të rënda.