Minjtë kënaqen duke dëgjuar muzikë njëjtë sikur njerëzit, tregon studimi

Shkencëtarët kanë zbuluar se edhe minjtë nuk mund t’iu rezistojnë tingujve ritmik të muzikës, duke treguar se si ata instinktivisht lëvizin në të njëjtin ritëm me muzikën.

Kjo aftësi më parë mendohej të ishte unike njerëzore dhe shkencëtarët thonë se zbulimi ofron njohuri për mendjen e kafshëve dhe origjinën e muzikës dhe kërcimit.

Teksa ka pasur demonstrime të mëparshme të kafshëve që kërcejnë së bashku me muzikë, studimi është një nga hetimet e para shkencore të fenomenit.

Në studim, 10 minjë u pajisën me përshpejtues pa tela, në miniaturë, për të matur lëvizjet më të vogla të kokës. Më pas atyre u luajtën fragmente një minutëshe nga Sonata e Mozartit, me katër ritme të ndryshme: 75%, 100%, 200% dhe 400% të shpejtësisë origjinale.

Shkencëtarët menduan se ishte e mundur që minjtë të preferonin muzikë më të shpejtë pasi trupat e tyre, duke përfshirë rrahjet e zemrës, punojnë me një ritëm më të shpejtë, raporton Guardian, transmeton Klankosova.tv.

Rezultatet treguan se si miu ashtu edhe pjesëmarrësit njerëz kishin sinkronizim optimal të rrahjeve kur muzika ishte në intervalin 120-140 rrahje në minutë. Ekipi zbuloi gjithashtu se minjtë dhe njerëzit tundnin kokën në një ritëm të ngjashëm dhe se niveli i tundjes së kokës zvogëlohej sa më shumë që muzika përshpejtohej.

Ekipi tani planifikon të hetojë se si vetitë e tjera muzikore si melodia dhe harmonia lidhen me dinamikën e trurit.