Egli zbulon çfarë raporti ka me Gjestin, tregon si flasin
Egli Tako ishte sonte në emisionin Canapé, ku theu heshtjen për herë të parë pas përfundimit të Big Brother Albania.
Ajo foli për karrierën, projektet e reja, shtëpinë e re mediatike dhe mbi të gjitha – për raportin e saj me Gjestin.
Ashtu siç kishte raportuar më herët Prive By Liberta Spahiu, Egli konfirmoi se marrëdhënia e saj me Gjestin jashtë shtëpisë është e pandryshuar, raporton Express.
“Kemi kontakt herë pas here. Siç ka qenë raporti ynë në shtëpinë e Big Brother, ashtu ka mbetur edhe jashtë,” u shpreh ajo.
Egli tha se ka parë videon ku Gjesti, gjatë një koncerti live, ka puthur bluzën me fotografinë e tyre, dhe reagoi për këtë veprim të Gjestit: “I dërgoj një puthje nga studio, ashtu siç veproi edhe ai,” u shpreh ajo me një buzëqeshje.
Megjithatë, Egli theksoi se nuk ka më çfarë të shtojë mbi marrëdhënien me Gjestin, duke respektuar dëshirën e tij të shprehur në ‘Post Big Brother Albania’ për ta mbajtur privatësinë e tyre larg vëmendjes publike.
