Parashikimi i motit gjatë vikendit

Sot në Kosovë pritet të mbajë mot pak më stabil dhe pak më i ngrohtë. Parashihen intervale kohore me diell, por edhe vranësira duke mos përjashtuar ndonjë rigë ose rrebesh të izoluar shiu. Temperatura maksimale mund të arrijë deri në 18 gradë Celsius.

Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me vranësira e intervale kohore me diell. Temperaturat do të shënojnë rritje, ndërsa pasdite në disa vise (kryesisht në lindje të Shqipërisë dhe perëndim të Maqedonisë Veriore) priten rrebeshe lokale shiu me vetëtima dhe bubullimë.

Të Dielën përkeqësim i madh i motit me vranësira të dendura, reshje shiu, erëra të fuqishme, reshje bore dhe ulje të fuqishme të temperaturave Fronti do të kalojë shpejt dhe natës dhe mëngjesit të së Hënës mund të ketë kthjellime të pjesshme sidomos në Kosovë që do të mund të kushtëzonte acar deri në – 4 apo -5 gradë Celsius.

Reshje bore të dielën priten edhe në verilindje të Shqipërisë, lindje dhe juglindje si dhe normalisht në shumë pjesë të Maqedonisë së Veriut. Vende-vende priten reshje të dendura bore.

Fillimi i javës së re shumë i ftohtë, me vranësira intervale kohore me diell dhe mundësi për reshje të dobëta, të izoluara bore. Acari do të jetë edhe më i dëmshëm nëse gjatë natës dhe mëngjesit të hershëm nuk ka fare vranësira dhe erëra dhe kjo do të varet nga rajoni në rajon. Disa rajone mund të goditen më shumë e disa mund të shpëtojnë më lehtë, por mbetet të shihet./MeteoBallkan