Aksident në rrugën Drenas – Skënderaj, një person i lënduar
Një aksident trafiku ka ndodhur sot në rrugën Drenas – Skënderaj, ku si pasojë një person ka pësuar lëndime.
Lajmi është konfirmuar nga zëdhënësja e policisë për rajonin e Prishtinës, Flora Ahmeti, e cila bëri të ditur se në këtë aksident janë përfshirë dy automjete.
“Sot rreth orës 15:30 kemi pranuar informatën se në rrugën Drenas – Skënderaj ka ndodhur një aksident trafiku me lëndime. Në këtë aksident kanë qenë të përfshira dy automjete dhe si pasojë është lënduar një person. Me rastin po merret njësiti i trafikut rajonal,” thuhet në njoftimin e Policisë së Kosovës.
