Pacolli flet për takimin me Elon Musk: Ky është vetëm fillimi

Lideri i AKR-së, Behgjet Pacolli ka deklaruar se është takuar me miliarderin Elon Musk, në festën e organizuar në rezidencën e Donald Trump, me rastin e fitores së zgjedhjeve për President të SHBA-ve.
Pacolli këtë takim e vlerësoi si mundësi për ta vendosur Kosovën, në hartën e biznesit botëror dhe të teknologjisë së avancuar.

Postimi i plotë:

Javën e kaluar pata nderin të takoj dhe të bisedoj me një nga mendjet më inovative të kohës sonë, Elon Musk.
Ky takim nuk është thjesht një moment i veçantë personal, por një mundësi unike për të vendosur Kosovën në hartën e biznesit botëror dhe teknologjisë së avancuar. Jam i përkushtuar të ndërtoj ura të reja bashkëpunimi ndërmjet Kosovës dhe kompanive më të suksesshme në botë. Jemi një vend i vogël, por me ambicie të mëdha. Le ta bëjmë Kosovën një qendër inovative dhe një destinacion tërheqës për investitorët e huaj. Ky është vetëm fillimi