Rita Ora: Jam krenare për yjet e muzikës nga Kosova

Rita Ora, në një intervistë të dhënë së fundmi për “Time Out London”, foli rreth karrierës, jetës personale dhe lidhjes së saj të pandërprerë me vendlindjen e saj, Kosovën.

“Prindërit e mi kanë sakrifikuar shumë për ne. Mamaja ime, e cila është psikatre dhe babai im, një sipërmarrës në fushën e gastronomisë, duhej të mësonin një gjuhë të re dhe të rindërtonin jetën e tyre nga fillimi. Mamaja është shumë, shumë kosovare – me theksin e saj, me ushqimin. Unë gjithmonë jam rreth saj, tha Rita.

Pavarësisht suksesit të saj të madh në botë, Rita nuk e ka harruar kurrë prejardhjen e saj.