U kërcenua me vrasje, kryetari i Zubin Potokut: “Nuk është hera e parë”

Kryetari i komunës së Zubin Potokut, Izmir Zeqiri ka njoftuar se është kërcënuar me vrasje.

Ai tha se brenda tre muajve është kërcënuar dy herë prej të njëjtës adresë dhe të njëjtit person, dhe mënyra e kërcënimit ishte pothuajse e njëjtë.

“I kam lajmëruar edhe herën e parë organet e drejtësisë, edhe tani janë të njoftuara organet e policisë dhe natyrisht hetimet janë duke vazhduar”, tha Zeqiri në RTK.

Ai theksoi se me aq sa është i njoftuar ky kërcënim vjen jashtë Republikës së Kosovës. Sipas tij është nga Serbia, dhe se ky person nuk është më adresë false.

“Mua nuk më frikësojnë kërcënimet e tilla, mirëpo nuk do të thotë se nuk ka rreziqe prej këtyre njerëzve që vazhdimisht kanë bërë keq”, shtoi ai.

Ai supozoi se kërcënimi me siguri lidhet me punën e tij, sepse siç tha ai ekipi i Radojiqiçit mund të jetë përreth kufijve.