S’e pagoi dënimin prej 2 mijë €, i riu në Prishtinë arrestohet dhe dërgohet në burg për disa muaj

Kur një person i akuzuar dënohet me gjobë, në aktgjykim shënohet afati kur duhet paguar gjoba dhe mënyra e zëvendësimit të gjobës. Mospagesa e gjobës i ka kushtuar me burgim një të riu në Prishtinë, i cili ishte dënuar vitin e kaluar për një rast të mëhershëm, raporton Gazeta Sinjali.

Siç merr vesh Sinjali, bëhet fjalë për një 29-vjeçar i cili është arrestuar së fundmi në kryeqytet, në bazë të një urdhërese aktive të lëshuar nga organet e rendit.

Burime e Sinjalit kanë bërë me dije se i riu V.Dedinca është arrestuar dje është dërguar në burg, pasi dënimi i është zëvendësuar.

Për veprën që gjykata i shqiptoi dënim me gjobë, ai nuk arriti ta kryejë pagesën dhe për pasojë përfundoi prapa grilave.

Për 2 mijë euro gjobë, 29-vjeçari do të qëndrojë më shumë se 3 muaj në burg.

Me t’u përfunduar procedurat policore pas arrestimit të tij, Policia e ka dërguar prishtinasin në njërën nga qendrat korrektuese për ta vuajtur dënimin.