Latifi: Nëse nuk ish derdh gjaku i UÇK’së, sa për Rugovën kishim përfunduar në autonom

Profesori universitar Blerim Latifi vlerëson se pa luftën e UÇK’së Kosova nuk do të pavarësohej.

“Z.Hyseni (Skender) tha se e kemi refuzuar më 1995 autonominë. Unë po të garantoj se nëse nuk kish shpërthyer lufta e UÇK’së na kishim përfunduar me një autonomi sa për që Rugova kish refuzuar”, tha Latifi në Pressing.

“Ti mundesh me nënqeshë por nëse s’kish shpërthyer lufta këtu, nëse nuk ish derdh, më fal është pak frazë e rëndë, por nëse nuk ish derdh gjaku në këtë vend, nëse nuk do të ishte luftuar në këtë vend ne kishim përfunduar në autonomi herët a vonë”, shtoi ai.

Me këtë nuk është pajtuar Hyseni.

“Po të mos ndodhte ajo që botërisht definohet ndërkombëtarizim i problemit të Kosovës unë ty të garantoj se Kosova s’do ta fitonte përkrahjen e botës”, tha Hyseni.

“Nuk ka qenë aq i pa meçër Rugova sa mos ta dinte se do të vinte dita që do të shpërthente lufta por donte ta shtynte për të përfituar sa më shumë mbështetje ndërkombëtare”, tha Hyseni.

“Po të mos ishte intervenimi i NATO’s ti s’do të kishte as autonomi as shtet”, tha Hyseni.

“Nuk mendoj ashtu”, ia ktheu Latifi. Ish vonuar, kishim pësuar më shumë por pa e çliruar Kosovën s’e kishim lënë”, theksoi Latifi.

x