Gashi: 8 fletëvotime të pavulosura, indikacione për ‘trenin bullgar’ në Skenderaj

Redaktori i KALLXO.com, Kreshnik Gashi, tha se në ditën e zgjedhjeve të 17 tetorit në Skenderaj ka pasur indikacione për mundësinë e zbatimit të “trenit bullgar”.

Gashi iu referua kësaj pasi 8 fletëvotime kishin rezultuar të pavulosura në vendvotime të ndryshme në Skenderaj.

“Ekzistojnë disa elemente që neve munden me na çu te krijimi i asaj ideje që ka pasur probleme me ‘trenin bullgar”, në të cilën e njohim të gjithë. Janë zbuluar 8 fletëvotime të cilat janë të pavulosura në kutitë e votimit në Skenderaj”, tha Gashi në emisionin “Kallxo Përnime”.

Ai e sqaroi edhe termin ‘treni bullgar’ se çka nënkupton.

“Kur një person futet në qendrën e votimit, merr fletëvotimin dhe në kutinë e votimit nuk e fut fletëvotimin origjinal, mirëpo e fut një fletëvotim tjetër, e nxjerr jashtë fletëvotimin origjinal, i cili me para plotësohet dhe i jepet personit tjetër. Personi tjetër që futet në qendrën e votimit, futet me votu, është i obliguar që atë të plotësuar me vendos në kuti edhe me nxjerrë një fletëvotim tjetër të vulosur jashtë qendrës votimit”, tha Gashi.

LEXO EDHE:  SHBA-ja po bën gati raketat hipersonike

Paneli Zgjedhor për Ankesa dhe Parashtresa (PZAP) kishte konstatuar se tetë fletëvotime kanë qenë të pavulosura në kutinë e votimit për kryetar të Komunës së Skenderajt.

Ankesat janë të parashtruar nga subjekti i Bekim Jasharit, i cili kishte ngritur dyshimet për parregullsi dhe vjedhje të votave të sistemit të “trenit bullgar” gjatë procesit zgjedhor më 17 tetor në Skenderaj.

x